बालकविता
उलथापालथ
सोनीच्या स्वप्नात म्हणे
एक अशी किमया झाली
समुद्राचे पाणी आकाशी
आले निळे आकाश खाली
वाघ सिंह खाती गवत नि
शिकार हरणाच्या खाण्यात
मासे फिरतात जंगलात नि
पक्षी राहू लागले पाण्यात
कोंबडी बांग देऊ लागली
कोंबडा घालू लागला अंडी
माणसं सारी उघडी नागडी
प्राणी घालती विजार बंडी
साखर गुळ झाले कडू
कारल्याला आली गोडी
पिण्यासाठी पेट्रोल रॉकेल
पाण्याने चालते गाडी
मुले बसती खुर्चीवर
मॅडम बसतात खाली
स्वप्न पाहता सोनीच्या
गालावर आली लाली
जयवंत जाधव, कोवाड
मोबा. _9403463881
कोणत्याही टिप्पण्या नाहीत:
टिप्पणी पोस्ट करा