सांत्वन
पावसाने या दगा दिला
करपली पिके सारी
जे वाचले तेही हिरावले
येता गारपीठ भारी
उध्वस्त झाले सारे शिवार
गोत्यात मी शेतकरी
दुबार पेरणी करून वाया
तोही बोजा उरावरी
जादा नको मला काही
मिळो पेरले ते तरी
आता तरी पहा मजकडे
उपाशी पालनकरी
कर्जमाफी आणि किती अनुदाने
घोषणा या सरकारी
खोटेच आकडे मदतीचे
निव्वळ कागदावरी
संपून जाता सारे पर्याय
गळा लावता दोरी
उगा कशाला खोटं सांत्वन
येऊन सरणावरी ..
©जयवंत जाधव, कोवाड
ता चंदगड जि कोल्हापूर
मो .9403463881
कोणत्याही टिप्पण्या नाहीत:
टिप्पणी पोस्ट करा