स्वभिमान
कुणापुढे वाकणार नाही
कुणापुढे झुकणार नाही
स्वाभिमानं या
तारलं काय?
माझ्याकडं बघ
सायबापुढं झुकलो मी
पाहिजे तेवढे फेकलो मी
मला कुणी
मारलं काय ?
सायबाचं थोडं ऐकलं असतास
छोटासा तुकडा फेकला असतास
तर तुझं बिघडलं
असतं काय ?
माझ्याकडे बघ
सगळे दाखले,सगळे अर्ज
सबसिडीसह मिळाले कर्ज
सगळीच झाली कामं
तुझ्या सारखं केलं असतं
तर सारं हे घडलं
असतं काय ?
ध्यानात ठेव,
लाचखोराला सोन्याचा घास
सत्याच्या नशिबी गळ्याला फास
साऱ्या जगात असंच असतं
आता तरी कळलं काय?
खरं सांग मित्रा तूला
स्वाभिमानानं
तारलं काय ?
©जयवंत जाधव, कोवाड
ता चंदगड जि कोल्हापूर
मो .9403463881
No comments:
Post a Comment