मोल
अमृत म्हणजे काही नाही
ते तर निर्मळ जल रे
पाणी म्हणजे जीवन असती
अमृतासम बोल रे
उदरामध्ये भूमातेच्या
लपले पाणी खोल रे
जपून करा वापर याचा
समजून त्याचे मोल रे
जलस्थळ हा मोठा ठेवा
छोटा असो वा विशाल रे
प्रदूषणाने करू नकाच
शुद्ध पाण्याचे हाल रे
उद्योगात आणि शेतामध्ये
खाण्या पिण्यात जल रे
वापरण्यातही तुम्ही ठेवा
त्यामध्ये समतोल रे
©जयवंत जाधव, कोवाड
ता चंदगड जि कोल्हापूर
मो .9403463881
कोणत्याही टिप्पण्या नाहीत:
टिप्पणी पोस्ट करा