हादगा
हादगा म्हणजेच भूलाबाई
खेळ घ्यायच्या आमच्या बाई
समानता शिकवणारा हा खेळ
बालपणी मी खेळलो किती वेळ
गीत हादग्याचे समानतेचे
फिरून फिरुन तिथेच यायचे
खिरापत
सगळ्यानी एकत्र करून खायची .
खिरापत नव्हेच,
शिकवण मिळून मिसळून खायची .
पण
माझा खाऊ
कधी घेतलाच नाही मिसळून
घरातीलही
आणि
घरच्या डब्यातून आणला म्हणून
दुकानातीलही .
बाई ओळखायला सांगायच्या
डब्यातील खाऊ
फक्त आवाजाने .
पण
माझ्या वेदनेचा आवाज
त्याना ओळखताच आला नाही .
मलाही तेंव्हा ओळखता आलं नव्हतं .
बाईच्या हातातील डब्यातील खाऊ
आणि
बाईंच्या मनातील
माझी 'जात'
©जयवंत जाधव, कोवाड
ता चंदगड जि कोल्हापूर
मो .9403463881
No comments:
Post a Comment