*वात्रट ठोसे*
( वात्रटिका )
२४४)
खाबुगिरिवाल्यांना कोरोना म्हणजे
आयतेच मिळालेले नवे कुरण आहे.
तापल्या तव्यावर भाजताहेत पोळ्या
जनता मात्र वरवंट्याखालचे पुरण आहे .
२४५)
टाळूवरचं लोणी खाणाऱ्यांना
लॉकडाऊन नामी संधी आहे .
हातावरच्या पोटावर लादलेली
एक जाणिवपूर्वक मंदी आहे
२४६)
बाराआणे खोटा चारआणे खरा
कोरोना एक रुपयाचा बंदा आहे
चारआणे सेवा बाराआणे मेवा
पांढऱ्या वेषातील काळा धंदा आहे .
© जयवंत जाधव, कोवाड.
ता. चंदगड जि. कोल्हापूर
मो.9403463881
सुंदर
ReplyDeletebest
ReplyDelete