रंगीत संध्याकाळ
शांत सुंदर संध्याकाळी
रंगीत झाली धरती सगळी
किरणे येता लाल पिवळे
रंगीत किमया आली आभाळी
शुभ्र ढगही झाले केसरी
निळे आकाश निळाई विसरी
पिवळी पिके सोनेरी झाली
हिरवी झाडे चमकू लागली
परतले पक्षी पहा पटापट
लाल चोचची पोपटी पोपट
रांगा करुनी पांढरे बगळे
काळे कोकीळ काळे कावळे
मावळती दिशा रंग उधळी
रोज पाहतो मी संध्याकाळी
©जयवंत जाधव,कोवाड
ता . चंदगड जि कोल्हापूर
मोबाईल9403463881
No comments:
Post a Comment